|
我同表妹同年，佢细我三个月。 因为大家年纪一样，所以我地玩得好埋。我当佢系亲妹妹一样。 表妹系珠海人，趁住放假霖住去佢度玩几日，顺便睇下佢嘎富二代男朋友系点样。 去到表妹度，明显感觉佢态度比以前差咗。 因为好赶，所以我只带咗两件外套。一件着咗几日，要洗了。另外一件因为我去到帮佢做家务，所以整乌糟咗。（表妹一个人住） 点知佢就话我，乜你咁大个人都唔带多几件衫嚟嘎！ 我衣柜D衫都系男朋友送嘎，好贵嘎！我怕你整乌糟啊！！！ 你只可以着呢件同呢件！（佢比咗两件好薄嘎比我拣）真系想冻死我咩！！ 夜晚同佢男朋友同埋我吃饭，期间两个人各种恩爱，我系隔离好尴尬！ 饭后我地散步翻屋企，我一个人行系后边，一路行一路玩微信。佢两个系我前面打情骂俏。 期间我表妹同佢男友讲： 我呢个表姐啊，大学毕业之后系D细公司仔做野，一D出色都无！人又唔识打扮，又无男朋友喔！平时就识得摞住部旧手机上下微信啊，系MM下载小说睇啊咁！一D人生乐趣都无！咁耐以嚟都系我呢个表妹睇住佢咖！今次过嚟珠海都系食我嘎，住我嘎，连佢着住件衫都系我嘎！ 听到个表妹讲到咁，我真系好失望，好无语！ 我地咁多年嚟一齐玩，一齐长大，宜家你识咗个富二代男朋友就咁嚟嫌弃我？ 当初边个系广州读书寄住嚟我屋企？ 边个失恋之后晚晚揽住我喊？ 边个怕考试唔合格稳我帮佢补习？？ 人系米有小小钱就会变？ | 
狗仔卡
发表于 2013-1-16 09:19
变色卡
抢沙发